क्यान्सर, कोलेस्ट्रोल, मुटुरोग लगायतका समस्याहरुबाट छुटकारा पाउन अदुवा सेवन गर्नुहोस्,
थप जानकारीका लागि यो लिंकमा जानुहोस्
Advertisement 
|
भान्सामा सहजै पाइने अदुवालाई हामीले मसलाको रुपमा प्रयोग गर्ने गरेको कुरा हामी सबैलाई थाहा भएकै कुरा हो । चपाउँदा केही पीरो तथा नमिठो स्वाद भएको यो अदुवा मानव स्वास्थ्यका लागि बरदान हो भन्ने कुरा हामी मध्ये धेरैलाई थाहा नहुन सक्छ । आज डिसीनेपाल तपाईहरुलाई अदुवा सेवन गर्नाले हुने फाइदाहरुका बारेमा जानकारी गराउँदै छ ।
अदुवामा आइरन, क्याल्सियम, आयोडिन, क्लोरिन तथा भिटामीन लगायतका धेरै पोषक तत्वहरु लुकेको हुन्छ । साथै, यो एउटा शक्तिशाली एन्टीभाइरल पनि हो । यसले पाचन प्रणालीलाई समेत बलियो बनाउने काम गर्छ । यसलाई काँचो, सुकाएर वा तरकारीमा प्रयोग गरेर पनि खान सकिन्छ ।
१. भोक जगाउन
नेवार समुदाय लगायतका कतिपय समाजमा अदुवालाई सफा पारेर मसिनो चना पारेर बदाम जस्ता खानेकुरामा साँदेर खाने चलन छ । कतिपयलाई यो अनौठो लाग्न सक्छ तर यसमा आर्युवेदिक गुण लुकेको हुन्छ अनि यसले मानव पाचन प्रक्रिया सहज बनाउने हुँदा आयुर्वेदले पहिल्यै देखि मान्दै आएको सत्यता हो । तसर्थ अदुवालाई मसिनो चिरा पार्नुहोस् र नुन सँग साँदेर आफ्नो खानासँग खानुहोस् । यसले तपाईको भोक जगाउने काम गर्छ ।
२. रुघा खोकी
रुघाखोकी बाट छुटकारा पाउन अदुवाको प्रयोग अति लाभदायक मानिदै आइएको छ । चिसो मौसममा अदुवा राखेको चिया सेवन गर्नाले रुघा खोकी जस्ता समस्याले सताउन पाउँदैन । त्यस्तैगरी कडा खालका रुघा खोकीमा अदुवाका स–साना टुक्रालाई पोलेर खाँदा छिटो लाभ पाउन सकिन्छ । घाँटी बसेको बेला अदुवा र महको मिश्रणयुक्त मन तातो पानी खानले छिटो फाइदा पुग्छ ।
३. पाचन प्रणाली
अदुवाले प्राकृतिक रुपमै पाचकको काम गर्दछ । त्यसैले अपच र विभिन्न पेटका समस्याहरुमा अदुवा लाभकारी हुन्छ । यसले पेटमा ग्यास हुनबाट रोक्छ । तसर्थ कब्जियत भगाउन पनि मद्दत गर्छ ।
४. आकर्षक छाला
बिहान खाली पेटमा मनतातो पानीसँगै एक टुक्रा ताजा अदुवा खानले छाला आकर्षक र चम्किलो बन्छ । साथै अदुवाको सुकेको धुलोलाई लेप बनाएर साताको फरकमा लगाउँदा छाला गोरो र नरम बन्छ । अदुवाले छालालाई मात्र हैन कपाललाई पनि फुस्रो बन्नबाट बचाउँछ र कालो, लामो बनाउन मद्दत गर्दछ ।
५. कोलेस्ट्रोल सम्बन्धी समस्या
शरीरमा कोलेस्ट्रोलको मात्रा अत्यधिक भएको खण्डमा मुटुरोग, सुगर र प्रेसर जस्ता समस्याहरु निम्तिने गर्दछ । अदुवाको दैनिक प्रयोगले कोलेस्ट्रोल कन्ट्रोल हुनुका साथै रक्त संचालनमा नियमितता हुन्छ । जसले गर्दा रगत सफा हुने र बोसोले घर बनाउन पाउँदैन । अनि शरीरले पनि अनावश्यक तौल संचय गर्न पाउँदैन । यसका अलावा अदुवामा क्यान्सर प्रतिरोधी क्षमता पनि लुकेको हुन्छ ।
यसका साथै अन्य शारीरिक समस्याहरुबाट छुटकारा पाउन पनि अदुवाको प्रयोग गर्न आवश्यक छ ।
आयुर्वेद चिकित्सकहरुका अनुसार अदुवा एक अचुक ओखती हो । यसले गानो गोलो, अर्थराइटिस्, बाथ, साइटिका, घाँटी तथा हाडछालाका समस्याहरुमा प्रभावकारी हुन्छ । महिलासम्बन्धी समस्याहरु र रक्त विकारमा पनि अति लाभकारी हुन्छ ।
0 comments
प्रतिक्रिया दिनुहोस्...