Advertisement 
|
हलिउड नायिका मिसेल योहले नेपालको सुन्दरता र नेपालीको आतिथ्यता ग्रहण गर्न फेरि पनि नेपाल बताएकी छिन् ।
नेपाल भ्रमणका क्रममा शनिबार भक्तपुर दरबार क्षेत्र पुगेकी योहले नेपालको सम्पदा विश्वमै उच्चस्तरीय भएकाले नेपालको पर्यटन प्रवद्र्धन गर्न भए पनि फेरि नेपाल आउने बताएकी हुन् ।
संयुक्त राष्ट्रसंघका सद्भावना दूतसमेत रहेकी योहले भूकम्पको पीडाबीच पनि खुसी र सन्तुष्ट देखिएका नेपालीहरुको साथ र सहयोगको लागि आफू पुनः नेपाल आउने बताइन् ।
यसअघि तीनपटक नेपाल आइसकेकी उनले भूकम्पपछिको पुनर्निर्माण सुस्त भए पनि गतिशील रहेको प्रतिक्रिया दिइन्।
‘भूकम्पपछिको पुनर्निर्माण सुस्त छ तर गतिशील छ’, उनले भनिन्, ‘हामीले सचेततापूर्वक योजना बनाई भूकम्प पीडितहरुलाई समानुपातिक रुपमा सेवा सुविधा प्रदान गर्नुपर्छ ।’
नायिका योहले भूकम्पले क्षति पुयाएका सम्पदा पुनर्निर्माणमा हतार नगर्नसमेत सुझाव दिएकी छन् । नेपालको मौलिक वास्तुकला तथा निर्माण प्रविधि नै प्रयोग गरेर सम्पदा पुनर्निर्माण गर्नुपर्ने उनको जोड थियो ।
‘नेपाली मौलिक प्रविधि राम्रो छ, यसले समय लिए पनि मौलिक स्वरुपमै सम्पदाहरुको पुनर्निर्माण गरिनुपर्छ’, उनले थपिन् ।
उक्त अवसरमा नायिका योहले भक्तपुर दरबार क्षेत्रस्थित तलेजु आँगछें, पचपन्न झ्याल दरबार, स्वर्णद्वार, सुन्धारा, पशुपति महादेवको अभिरुचिपूर्वक अवलोकन गरेका थिए ।
उनले भूकम्पले क्षति पुयाएका सम्पदाको अवलोकनसँगै तिनीहरुको पुनर्निर्माण कार्यबारेसमेत चासो व्यक्त गरेका थिए।
उनलाई पर्यटनमन्त्री पोखरेलसँगै भक्तपुरका प्रमुख जिल्ला अधिकारी तेजप्रसाद पौडेल, स्थानीय विकास अधिकारी ध्रुवप्रसाद कोइराला, भक्तपुर नगरपालिका र भक्तपुर पर्यटन विकास समितिका पदाधिकारीहरुले भक्तपुर दरबार क्षेत्रमा स्वागत गरेका थिए ।स्रोत नेपाल जापान
|
Advertisement
|
0 comments
प्रतिक्रिया दिनुहोस्...