काठमाडौं, असार १३ – सुनको भाउ सोमबार दुई सय रुपैयाँले बढेर तोलामा ५८ हजार सात सय रुपैयाँ पुगेको छ । अन्तर्राष्ट्रिय बजारमा सोमबार १२ डलरले बढेर सुन प्रतिऔँस १३ सय २८ डलर पुगेको छ ।
आइतबार १३ सय १६ डलर थियो । अन्तर्राष्ट्रिय बजारमा सुनको कारोबारमा अस्थिरता छाएकाले अहिले पर्ख र हेरको अवस्था रहेको नेपाल सुन चाँदी व्यवसायी महासंघका पूर्व अध्यक्ष तेजरत्न शाक्यले बताउनुभयो । सोमबार चाँदीको भाउ भने स्थिर छ । चाँदी आइतबार जस्तै तोलाको आठ सय १५ रुपैयाँमा किनबेच भैरहेको छ ।



0 comments
प्रतिक्रिया दिनुहोस्...