नर्सका आँसुले कहिलेसम्म अस्पताल चलाउने ?

Advertisement

अस्पतालमा मुस्कुराउँदै बिरामीको सेवामा निरन्तर खटिरहेका नर्सलाई देख्दा जो कोहीलाई पनि लाग्न सक्छ कि नर्सहरु कति खुसी छन् ? नर्सको सेवा र मुस्कान देखेर अधिकांशले भन्छन् पनि, ‘बिरामीको सेवासँगै कमाइ पनि राम्रो हुने गजबको पेसा ।’ तर, वास्तविकता निकै फरक छ । दिनरात नभनी निरन्तर बिरामीको सेवामा खटिने नर्सहरुको मुस्कानभित्र ठूलो पीडा छ । उनीहरुका पीडा छचल्किएर आँसुका रुपमा आँखासम्म आइसकेका हुन्छन् । र पनि, बिरामीको रोग निको पार्न र आफ्नो सेवामा कत्ति पनि कमी आउन नदिन नर्सहरु आफ्ना पीडा मनभित्र गाँठो पारेर लुकाउन बाध्य छन् । आँखासम्म आइसकेका आँसुलाई भित्रभित्रै लुकाइरहेका छन् ।

योग्यता, क्षमता, सीप, अनुशासन र जाँगर छ । सेवाका लागि खटिन तम्तयार छन् । सबै कुरामा दक्ष हुँदाहुँदै पनि नर्सहरु सित्तैमा काम गर्न बाध्य छन् । आखिर नर्सलाई किन अस्पतालहरुले भोलुन्टियरका नाममा शोषण गरिरहेका छन् ? एउटै अस्पतालमा अन्य स्वास्थ्यकर्मीलाई योग्यताअनुसारको कदर हुने तर नर्सलाई सधैँ रुवाइरहने ? 

नर्सका हकहितका लागि खुलेको नेपाल नर्सिङ संघ नर्सका आँसु पुछ्न छाडेर कहाँ हराएको छ ? चुनावका बेलामा चर्का नारा लगाउने नर्सका नेताहरु यो विषयमा किन बोल्दैनन् ?

नर्सका हकहितका लागि खुलेको नेपाल नर्सिङ संघ नर्सका आँसु पुछ्न छाडेर कहाँ हराएको छ ? चुनावका बेलामा चर्का नारा लगाउने नर्सका नेताहरु यो विषयमा किन बोल्दैनन् ? कतै उनीहरुले पनि निजी अस्पताल सञ्चालन गरेर आफैँ जुनियर नर्सहरुमाथि शोषण त गरिरहेका छैनन् ? होइन भने यो विषयमा संघ चुप लाग्न मिल्दैन । एउटै अस्पतालमा डाक्टरलाई योग्यताअनुसारको कदर हुने तर नर्सलाई सधैँ रुवाइरहने अवस्थाको अन्त्य हुनैपर्छ । अब पनि यो विषयमा चुप बस्यौँ भने नर्सहरु आजीवन आँसुमा डुबिरहन्छन् र उनीहरुका काम र सेवाबाट अस्पतालहरु लुटतन्त्र चलाइरहन्छन् ।

(काफ्ले त्रिवि शिक्षण अस्पतालमा कार्यरत नर्स हुन्)

सुचना :

…

स्वास्थ्य खबरपत्रिकाले नर्सहरुका भावना, विचार तथा अनुभवलाई प्रकाशन गर्दै आइरहेको छ । यदि तपाईहरु पनि आफ्ना विचार, भावना तथा अनुभव राख्न चाहनुहुन्छ भने हामीलाई पठाउनुहोस् । हामी तपाईको विचारलाई प्रकाशन गर्ने छौँ । यहाँहरुलाई लागेको विचार तथा अनुभवलाई हाम्रो इमेल healthnewspaper@gmail.comवा कार्यालयमा आएर दिन सक्नुहुने छ ।

Advertisement

Labels: